കറിക്ക് ഒഴിവാക്കാൻ പറ്റാത്ത ഒന്നായാണ് മലയാളി കറിവേപ്പിലയെ കണക്കാക്കി വരുന്നത്. കറിയോടൊപ്പം എല്ലാപേരും കറിവേപ്പില കഴിക്കില്ലെങ്കിലും അതു കറി പാകം ചെയ്യാൻ അനിവാര്യം തന്നെ. എന്നാൽ കറിവേപ്പില കയ്യിൽ കൊടുക്കുന്നതിനെ അനുവദിച്ചിട്ടില്ല. കറിവേപ്പില കയ്യിൽ കൊടുത്താൽ കൊടുക്കുന്ന ആളും വാങ്ങുന്ന ആളും തമ്മിൽ താമസിയാതെ പിണങ്ങുമത്രേ!
ആർക്കും ആരോടും അങ്ങനെയങ്ങ് പിണങ്ങാൻ താൽപ്പര്യമില്ലാത്തതു കൊണ്ടായിരിക്കാം കറിവേപ്പില സാധാരണ കയ്യിൽ കൊടുക്കാറുമില്ല. എന്നാൽ കറിവേപ്പില വെന്തുകഴിഞ്ഞാൽ ഗുണമാണെങ്കിലും പച്ച കറി വേപ്പിലയിൽ നിന്നും വിപരീതോർജ്ജം പ്രസരിക്കുന്നുണ്ടത്രേ! അതുകൊണ്ടാണ് അതു കയ്യിൽ കൊടുക്കരുതെന്നു പറയുന്നത്. ഇതു പറയുമ്പോൾ പ്രത്യേകം ശ്രദ്ധിക്കേണ്ടത് ചെമ്പരത്തി, മുല്ല, തുളസി തുടങ്ങിയ ചെടികളിൽ നിന്നും അനുകൂല ഊർജ്ജം പ്രസരിക്കുന്നു വെന്നാണ്. അതുകൊണ്ടാണ് ഇവ വീട്ടുമുറ്റത്തു തന്നെ വച്ചുപിടിപ്പിച്ചിരുന്നതും. പക്ഷേ, ഓർക്കിഡ്, ആന്തൂറിയം തുടങ്ങിയവയിൽ നിന്നും പ്രതികൂല ഊർജ്ജമാണ് പ്രസരിച്ചുകൊണ്ടിരിക്കുന്നതും. ആധുനിക അലങ്കാരസസ്യനേഹികൾ ക്ഷമിക്കുക!
